Ултырттыҡ беҙ йәп-йәш ҡарағайҙар
29 мая 2018 йыл | Урындағы үҙидара, Хаттар

* Йәшелләндереү айлығы
 Ултырттыҡ беҙ йәп-йәш ҡарағайҙар
Бөтә республика буйынса барған акцияға ярашлы, Ғафури район хакимиәте 2018 йылдың 10 апреленән 1 июненә тиклем тораҡ пункттар биләмәләрен,  торлаҡ биналар, ихата, баҡса, йорт янын, парктарҙы таҙартыу, төҙөкләндереү һәм йәшелләндереү буйынса экологик өмәләр уҙғарыу тураһында ҡарар ҡабул итте.


Йәшәй белһәң ерҙә - шул бәхет!
29 мая 2018 йыл | Хаттар, Уңғандарыбыҙ

 Йәшәй белһәң ерҙә - шул бәхет!
Бар ғүмерен балалар уҡытыу һәм тәрбиәләү эшенә бағышлаған  Глүзә Хөрмәт ҡыҙы Исҡужина матур юбилейын билдәләй, хеҙмәттә үткән бәхетле ғүмер мәлдәренә байҡау яһай.

Ислам – паклыҡ дине
29 мая 2018 йыл | Хаттар

Ислам – паклыҡ дине 
Ислам дине мосолман кешеһенең күңеленең - саф, тәне, кейгән кейеме, йәшәгән йорто, торған урынының ғына түгел, ә изге иман йорто, мәсеттәрҙең дә таҙа, ҡаралған булыуын талап итә.

Изге айҙа – изге башланғыс
25 мая 2018 йыл | Хаттар

Күптән түгел әүлиәләр төбәге – Сәйетбаба ауылында районда тәүгеләрҙән булып ҡатын-ҡыҙҙар араһында ғәрәп телен өйрәнеүселәрҙең конкурсы булып үтте.
Сараға райондың иман юлында булған, ислам динен ихтирам иткән, ғәрәп хәрефтәрен таныған һәм ғәрәпсә уҡый белгән ағинәйҙәре, мосолман ҡатын-ҡыҙҙары йыйылды. Шулай уҡ райондың имам-мөхтәсибе Рауил хәҙрәт етәкселегендә ра-йон мәсете шәкерттәре, Юрмаш, Имәндәш, Крас-ноусол, Яңғыҙҡайын, Яугилде, Ерек ауылдары ағинәйҙәре килде.

Һәйкәлдәр – тереләр өсөн, хәтер – мәңгелек
22 мая 2018 йыл | Хаттар

9 Май – Еңеү көнө – беҙҙең өсөн иң ҡәҙерле, иң ҙур байрамдарҙың береһе. Ошо иҫтәлекле көн алдынан обелиск-һәйкәлдәр асыла, булғандары тәртипкә килтерелә.  
Беҙҙең Бурлы ауылында ла 60-70-се йылдарҙа һуғыш яланынан әйләнеп ҡайта алмаған яугир ауылдаштарыбыҙҙың яҡты иҫтәлегенә бағышлап обелиск ҡуйылғайны. Йылдар үҙенекен итте: ямғыр-ҡарҙан, ел-бурандан был һәйкәл яйлап ҡына төҫһөҙләнеп, емерелеп, йәғни ташландыҡ хәлгә килде. 9 Май байрамы алдынан, Бөйөк Еңеүҙең 73 йыллығы уңайынан обелиск һәм уның биләмәһе яңы төҫ алды. Ул Ғәлинур Нафиҡов һәм Рәшит Хәсәнов (ауылға күсеп ҡайттылар, ҡатыны ауылдашыбыҙ) инициативаһы менән төҙөкләндерелде. Ауыл халҡының да ярҙамы тос булды: берәүҙәр финанс йәһәтенән, икенселәр буяу-төҙөлөш материалдары менән тәьмин итте, бәғзеләр обелиск биләмәһен һәм тирә-яғын тәртипкә килтереүҙә эшләне. Илдус Ситдиҡов менән Илшат Абдрахманов һәйкәлде яңыртһа, Наил Шәрипов менән Илшат Хөснөтдинов ҡоймалап алды. Хәҙрәттәр Ғаяз Харисов (таҡтаташҡа яугирҙарҙың исем-шәрифтәрен яҙҙырған) менән Фәнис Сәфиуллин транспорт менән ярҙам итте, Рәзил Зәйнуллин тракторы менән йыйылған сүп-сарҙы түкте.
Күмәкләгән – яу ҡайтарған, тигәндәй, байрам  алдынан күмәк көс менән обелискыны яңыртып һәм тирә-яғын матурлап, изге эшебеҙ менән яугир-ауылдаштарыбыҙҙың рухын шатландырыуыбыҙға ҡәнәғәт булып таралыштыҡ.  
Фәнисә ҒӨЗӘЙЕРОВА.
Бурлы ауылы.
качественныешаблоны для dle 9.5 бесплатно
1 2 3 4 5 6 7 8 9 10 ... 121