Күңел йылыһы
03 апреля 2018 йыл | Хаттар, Уңғандарыбыҙ

 Күңел йылыһы
Убалар ауылына беҙ бала саҡта йыш бара торғайныҡ. Башта Ғафуриҙа булып, һуңыраҡ Архангел районы составына күсерелгән ошо ауылда яҡын туғандарыбыҙ — әсәйемдең бер туған һеңлеһе Флүрә апай менән атайымдың яҡын туғаны Әхмәт ағай Шәриповтар йәшәй. Шуныһы ҡыҙыҡ: Һабайҙан ун саҡрым ғына алыҫлыҡта урынлашһа ла бында бөтөнләй икенсе донъя кеүек.

1 апрель - Көлкө көнө
30 марта 2018 йыл | Мәҙәниәт һәм әҙәбиәт, Хаттар

 1 апрель - Көлкө көнө
Сәй сервизы (Юмореска)
Венер ИСХАҠОВ
Бүләккә нимә алып барырға икән?
Мәймүнәне Гөлзифа әхирәте өй туйына саҡырғас, мейеһен ярып килеп ингән тәүге һорау шул булды. Саҡырҙы тигәс тә, үҙен генә түгел инде, ире менән бергә. "Туҡта, туҡта! Ҡумтаһынан да сығармаған өр-яңы сәй сервиздары ята түгелме ни?!”. Ул һөйләнә-һөйләнә балконға сыҡты һәм шкафҡа теҙеп ҡуйған ҡумталарҙы ҡарай башланы. "Шулай шул! Берәү генә түгел, хатта бишәү икән. Былар нимәгә хәжәт, яталар шунда урын алып, саң йыйып, былай ҙа урын юҡ”.
Мәймүнә берәүһен соҡоп сығарҙы, икенсеһен, өсөнсөһөн ҡутарып ҡараны, әммә бигерәк затлы күренгәс, уларын тота килеп икенсе берәүгә бүләк итергә йәлләне. "Ярай, ошоноһон алып барам да ҡуям” тип ул бишенсеһен, биҙәктәре әллә ни балҡып тормағанын, һайланы. Уныһын былтыр тыуған көнөнә Кәримә әхирәте алып килгәйне. Ҡунаҡтар алдында ул әҙәп өсөн: "Бигерәк матур бит әле, ошондай ғына сервиз алырға йөрөй инем, әллә минең ни уйлағанымды ишетеп торғанһың инде, әхирәткәйем”, – тип уны суп иттереп үбеп, ҡат-ҡат рәхмәт әйтеп алһа ла, оҡшатманы. Аҙаҡ барыһы таралышып, иғтибар менән ҡарағас, бер сынаяҡтағы сәскәнең тажы бөтөнләй булмауын күрҙе. "Кит, мыҫҡыл итеп ошо нәмәне тотоп килмәһә инде, һаран, моғайын, иң осһоҙон эҙләп алғандыр әле”, – тип уйлағайны эстән генә Мәймүнә.
…Мәжлес күңелле барҙы. Матур теләктәр ямғыр булып ҡойолдо, бүләктәр төштө, күңелдәре булғанса йырланылар, бейенеләр. Бына ҡунаҡтар ҡайтып китте. Бүләктәрен барлай башлаған хужабикә Мәймүнә әхирәте биргән сервизды ҡумтаһынан сығарып ҡарағас, таныш сынаяҡтарҙы күреп, "аһ” итте. Бәй, шул түгелме ни! Унан ҡабаланып һәр береһен ентекләп ҡарай башланы һәм сәскәһенең бер тажы төшөрөлмәгән сынаяҡты күрҙе. Былтыр уны бергә эшләгән хеҙмәттәше Кәримәгә үҙе бүләк иткәйне.

Һөйөү, татыулыҡта йәшәгәндә...
30 марта 2018 йыл | Хаттар, Уңғандарыбыҙ

 Һөйөү, татыулыҡта йәшәгәндә...
Тормошта йәшнәп йәшәгән, ауырлыҡтар алдында юғалып ҡалмаған, бер уйлы, бер маҡсатлы тырыш, эшсән ғаиләләргә һоҡланмайса мөмкин түгел. Яҙмам Үтәк ауылындағы шундай ғаиләләрҙең береһе – Рәхилә һәм Асҡар Ғөбәйҙуллиндар тураһында.

Донъяһы үрнәк алырлыҡ
07 марта 2018 йыл | Хаттар

Һәр сабый донъяға үҙ ризығы менән тыуа тиҙәр. Ошо ризыҡты булдырыуҙа ҡатын-ҡыҙ әсә булараҡ төп яуаплылыҡты биләгән һәм әле лә шулай. Быны бер нисек тә инҡар итеп булмай, ул тәбиғи хәл.
Ҡатын-ҡыҙ һәр ваҡытта ла ир ҡатыны, бала әсәһе, ғаилә ҡото, донъя усағын һаҡлаусы изге зат. Һәр әсә балалар тыуҙырыусы, уларға йәшәү ҡанундарын өйрәтеүсе, балаларын милләтенең тоғро улы, ҡыҙы итеп тәрбиәләүсе шәхес ул. Әсә беренсе булып балаһына туған телен, милләт рухын еткереүсе лә.

Йәшнәп йәшәлгән ғүмер
07 марта 2018 йыл | Мәғариф, Хаттар

 Йәшнәп йәшәлгән ғүмер
Йәшлек бит ул йүгәнһеҙ ат,
Сабып үтә лә китә.
Ҡартлыҡ әгәр килеп етһә,
Кире китмәй ҙә ҡуя...
тип йырлана бит йырҙа ла. Ысынлап та, йәш саҡта ҡартлыҡ килер тип, уйланырға һис тә ваҡыт юҡ – эш тип йүгерәһең. Бына мин дә 1982 йылда Еҙем-Ҡаран урта мәктәбенә математика уҡытыусыһы булып эшкә килгәйнем, хаҡлы ялға сыҡҡанымды һиҙмәй ҙә ҡалдым. Коллектив ҙур, берҙәм, эшсән булды. Ул саҡта Баҡраҡ, Яҡтыкүл, Абдулла, Оло Үтәш, Яңы Ерек ауылдарынан бик күп балалар Еҙем-Ҡаранға йөрөп уҡыны. Һүҙем ошо коллективта бергә эшләп, хаҡлы ялға сыҡҡан тырыш та, ябай ҙа, уңған да хеҙмәттәшем – Миңнур Әнүәр ҡыҙы Лоҡманова хаҡында.
качественныешаблоны для dle 9.5 бесплатно
1 2 3 4 5 6 7 8 9 10 ... 121