Хеҙмәт ветераны
18 августа 2017 йыл | Хаттар

Хеҙмәт ветераныСәйетбаба ауы-лында хеҙмәткә бағышланған тормошо менән башҡаларға өлгө булырҙай кешеләр бик күп. Шундайҙарҙың береһе – Миңнеәхмәт Рахманғолов (һүрәттә) 1944 йылда ярлы крәҫтиән ғаиләһендә тыуа.
Уға атай икмәге ашап үҫергә тура килмәй – бәләкәйҙән үҙе колхоз эшенә егелә. Мал йәнле булғанғалыр, фермаға эшкә бара һәм армияға тиклем башмаҡтар ҡарай. Хеҙмәт итеп ҡайтҡас, Әлшәй районының Шафран ауылында ветеринар һөнәренә уҡый. 1968 йылдың көҙөндә ул эш башлауға малдарҙа бешмә (ящур) сире тарала. Уға ҡаршы бик күп көс һалырға тура килә йәш белгескә. 10 йыл ветеринар булып эшләгән дәүерендә ауыл халҡының малын яҡшы ҡарай, ҡулынан килгән ярҙамды күрһәтә Миңнеәхмәт ағай. 1971 йылда уны Коммунистар партияһы сафына алалар. "Йондоҙ” колхозының һыйыр фермаһында быҙауҙар ҡарай, һыйыр ҙа һауа, бер нисә йыл етәксе вазифаһын да башҡара. 2003 йылда хаҡлы ялға сыға хеҙмәт ветераны. "Оло йәштә булһам да, һаман мал аҫрайым, бер нәмәгә зарланмай донъя көтәм. Әлеге тормош элекке һымаҡ түгел – өйөмә газ үткән, һыуым да ишек алдында ғына. Йәштәргә хеҙмәт яратып, ҡура тултырып мал аҫрап етеш йәшәргә бар мөмкинлектәр ҙә бар хәҙер. Ялҡауланмаҫҡа ғына кәрәк”, - ти Миңнеәхмәт ағай.
Көмөшбикә РАХМАНҒОЛОВА.
Сәйетбаба ауылы.

Бала саҡ хәтирәләрем
04 августа 2017 йыл | Хаттар, Йәмғиәт

Тыуған яҡҡа ҡайтып килдем әле,
Уйҙар арбаһына ултырып...
Яҙҙар етеп, ер ҡарҙан әрселә башлаһа, минең күңелем тыуған ауылыма, бала сағыма тартыла башлай. Бәләкәйҙән яҙҙы, сыйырсыҡтар ҡайтыуын, тәүге сәскәләр сығыуын түҙемһеҙләнеп көтөп ала инем. Быларҙан тыш "яҙғы сәсеү” тигән һүҙҙәр ҙә күңелгә ныҡ һеңеп ҡалған. Мин дә был яуаплы эштә нимәлер эшләргә тейешмен кеүек тойола.

Ярҙам көтәбеҙ – өмөт итәбеҙ
01 августа 2017 йыл | Хаттар, Йәмғиәт

Ауыл халҡына сер түгел, Еҙем-Ҡаран ауыл биләмәһе башлыҡтары йыш алышына. Бынан элгәреләре, халыҡ мәнфәғәтен ҡайғыртып, арыу ғына эш башлап ебәргәйнеләр. Ни сәбәптәндер, уларҙы урындарынан бушаттылар.

Ауылым матур уңғандары менән
25 июля 2017 йыл | Хаттар

Тыуған яҡ...Кемдәрҙе генә үҙенә
тартмай ул. Ҡайҙа ғына йәшәһәң дә тыуған яҡ ҡәҙерле. Тыуған йорт ҡапҡаһын асып ҡаршы алыусы булмаһа ла, һәр йыл һайын йәнтөйәгем Сәйетбабаны һағынып ҡайтам. Ата-әсәйем күптән инде баҡыйлыҡҡа күсһә лә, тыуған нигеҙҙе һыуытмайбыҙ, улар ҡабыҙған усаҡты һүндермәҫкә тырышабыҙ. Быйылғы йәйге ялымда ла ауылыма ҡайттым. Ауыл йылдан-йыл күҙгә күренеп матурлана. Йәштәр бынамын тигән итеп йорттар һала, баҡса үҫтерә, мал-тыуар үрсетә.

Тарихи атамалар онотолмаһын
14 июля 2017 йыл | Хаттар, Йәмғиәт

Һуңғы йылдарҙа беҙҙең районда ла туризмды үҫтереү буйынса күп кенә эштәр башҡарыла. Һуңғы ҡыңғырауҙан һуң уҡыусылар 1-2 көнлөк, өлкән класс уҡыусылары оҙайлыраҡ ваҡытҡа туристик сәйәхәттәргә сыға. Сәйәхәткә сығыр алдынан маршрут карталары төҙөлә, барып күрә торған тау, йылға һәм башҡа урындарҙың атамалары өйрәнелә.

качественныешаблоны для dle 9.5 бесплатно
1 2 3 4 5 6 7 8 9 10 ... 113