Яҙмышты бер бөтөн итеп...
16 июня 2017 йыл | Хаттар

Аҡташ ауылында йәшәүсе Фәнил ағай Иҙрисов, ҡатыны Ғәлиә еңгә бик йәшләй генә мәрхүмә булғас, береһенән икенсеһе бәләкәйерәк өс улы менән яңғыҙы  тороп ҡала. Сабыйҙарҙың иң кесеһенә йәш ярым ғына була. "Был бәләкәй генә балаларым менән нимә эшләрмен икән?” – тип уйлағандыр инде ул. Ауыр  булһа ла Фәнил ағай түҙҙе, әммә, нисек кенә булмаһын, балаларға инәй кәрәк.

Кемдер төҙөй, кемдер ватамы?
09 июня 2017 йыл | Хаттар

Былтыр "Табын” гәзитендә район мәҙәниәт һарайы эргәһендә 1812-1814 йылдарҙағы Ватан һуғышында ҡатнашҡан, илебеҙҙе француз баҫҡынсыларынан һаҡлаған башҡорт яугирҙары – "Төньяҡ амурҙары” иҫтәлегенә һәйкәл төҙөлөүе   хаҡында бер нисә һанда мәҡәлә баҫылып сыҡҡайны. Йәмәғәт башланғысында, бер төркөм зыялылар һәм эшҡыуарҙар, предприятие, ойошмалар ҡатнашлығында башланған эш ысын мәғәнәһендә халыҡ төҙөлөшөнә әүерелгәйне.

Ауылдың иң оло кешеһе
06 июня 2017 йыл | Хаттар

Беҙҙең Сәйетбаба ауылында оло быуын кешеләре юҡ тиерлек. Ирҙәр араһында иң өлкәне – һуғыш ветераны Миңләхмәт Әхтәри улы Байбулдин, уға 89 йәш.
Ҡатын-ҡыҙ-ҙарҙан – Маһира Мансур ҡыҙы Ғарифуллина. Ҡышын Өфөлә ҡыҙҙарында торһа, йәй көнө төпсөк улы Илгиздә ауылда йәшәй. Әле һаулығына зарланмай, табиптарға барғаны, дарыу ашағаны ла юҡ. Уның әсәһе Фәғилә Байгилде ҡыҙы 86 йәшендә донъя ҡуйҙы. Оҫта быуынсы, эшкә бик шәп ине – оло биҙрәләр менән Ташбашы шишмәһенән көйәнтәләп һыу ташый торғайны.
Маһира апайҙың ире Хәбибулла Ғарифуллин ғүмерен уҡытыусы һөнәренә бағышланы. Уңған, егәрле умартасы ла булды. Маһира апай ҙа, 96 йәштә булыуына ҡарамаҫтан, өйҙә тик кенә ултырмай – бәйләмен дә бәйләй, йөнөн дә иләй. Йәй буйына баҡсаһынан сыҡмай, төрлө йәшелсә-емеш, еләк үҫтерә. Ҡышҡылыҡҡа ҡайнатмалар әҙерләй, ҡаҡ та ҡоя.
Был йәшкә етеүҙең сәбәбе нимәлә тигән һорауға, "эштә”, - тип яуап бирә ул. Ысынлап та, шулайҙыр, эшләһәң юҡ-бар уйҙарға бирелергә ваҡытың да ҡалмай. Бына ошондай инәй йәшәй
ауылда. Бәхетле ҡартлыҡта оҙон ғүмер кисерергә яҙһын уға.
Ханнан БАЙБУЛДИН.
Сәйетбаба ауылы.

Рәхмәт һеҙгә, аҡ халатлылар!
06 июня 2017 йыл | Хаттар

Сир өҫтөнә сир тигәндәй, 2 апрель көнө температурам күтәрелеп ауырып киттем. Өйҙә дауаланыуҙың файҙаһы теймәгәс, ра-йон дауаханаһына алып килделәр.
Миңә табип-онколог Ирек Фәйзуллин тиҙ ярҙам күрһәтеп, инфекция бүлегенә һалды. Уның дөрөҫ диагноз ҡуйыуы, көн дә обход яһап, тейешле дарыуҙар билдәләүе, бүлектәге шәфҡәт туташтарының яғымлылығы, үҙ эштәренә яуаплы ҡарауҙары, ашнаҡсы-йыйыштырыусыларҙың тәмле аштары, бүлмәләрҙе таҙа, тәртиптә тотоуҙары тиҙ арала һауығып сығыуыма булышлыҡ итте.
Барыһына ла яуаплы, тынғыһыҙ эштәрендә сабырлыҡ, ғаилә бәхете, һау-сәләмәт булыуҙарын теләйем һәм «Табын» гәзите аша рәхмәт һүҙҙәрен еткерәм.
Әнүәр ҒӘЛИН.
Бурлы ауылы.

Шофер булғас, шундай булһын...
06 июня 2017 йыл | Хаттар

Өфө автовокзалынан Красноусолға барыусы автобусҡа кереп ултырҙым. Күңелдә ауыр уйҙар, яҡын туғанымды ерләп ҡайтып киләм бит.
Тиҙҙән ҡайғылар тарала төшкәнен, ниндәйҙер еңеллек һиҙәм. Автобус-та талғын ғына көй уйнай, бер кемгә лә ҡамасауларлыҡ түгел. Тирә-яғыма күҙ һалам. Автобус эсе таҙа, бөхтәлек бөркөлөп торғандай. Водитель дә, туҡталыштарҙа юлсыларҙы төшөргән-ултыртҡанда ипле генә һөйләшә, радиоалғысының тауышын баҫа бирә. Ә бит юлда күп йөрөгәс, һәр водителдең дә ундай булмағанын, ҡайһы бер автобустарҙың саң-туҙанға батып бөткәнен күреп йөрөлә.
Ҡыҙыҡһынып, шоферҙың кем булыуын белешәм. Үҙебеҙҙең район егете Жәүҙәт Мөхәмәтшин икән. Хәйер, был водителдең автобусында күп йөрөгәнем бар. Унда юлаусылар ҙа бер-береһенә ихтирамлыраҡ, итәғәтлерәк кеүек. Хужаһы ниндәй, автобусы ла шундайҙыр, тип уйлап ҡуйҙым.
Жәүҙәт Миңнулла улына юлсылар исеменән ҙур рәхмәт әйтеп, артабан да шулай уңышлы эшләүен, имен, аҡ юлдар теләйем.
Зәйтүнә НАСИБУЛЛИНА.
Красноусол ауылы.

качественныешаблоны для dle 9.5 бесплатно
1 ... 5 6 7 8 9 10 11 12 13 ... 113