Кем түләргә тейеш?
18 сентября 2018 йыл | Хоҡуҡ, Йәмғиәт

 Кем түләргә тейеш?
Республиканың һалым органдарына ҡасандыр шәхси эшҡыуар булып теркәлеп, әлеге көнгә был эшмәкәрлектәрен туҡтатҡан граждандар йыш мөрәжәғәт итә. Улар страховка фондтарына мотлаҡ түләнергә тейешле иғәнәләрҙе түләмәгән, шул сәбәпле бурыс барлыҡҡа килгән. Был категория һалым түләүселәргә ҡарата мәжбүри түләтеү саралары ҡулланыла. Килем алмаусы шәхси эшҡыуар страховка иғәнәләрен түләргә тейешме?
2017 йылдың 1 ғинуарынан страховка иғәнәләре менән бәйле бар эштәр ҙә һалым органдары ҡарамағына тапшырылды.

Тамаҡ - тамуҡҡа илтә
27 июля 2018 йыл | Хоҡуҡ

Уҙған кис Туймазы районының Үрге Троицк ауылында ҡот осҡос фажиғә булған. 

Бурыслыларҙы юллап...
26 июня 2018 йыл | Хоҡуҡ

Бурыслыларҙы  юллап...Суд приставтары федераль хеҙмәте БР буйынса идаралығының Ғафури районы бүлексәһе суд приставы-башҡарыусы Флүзә Зөлҡәрнәйева район гәзиттәре хәбәрселәре менән  йылына ике тапҡыр – Балаларҙы яҡлау көнө һәм яңы уҡыу йылы алдынан  балаларына алимент түләмәгән атайҙарҙы юллап, махсус рейдтар уҙғара. Рейдтар  Суд приставтары федераль хеҙмәтенең БР буйынса идаралығы етәкселеге бойороғона ярашлы ойошторола. Ошондай рейд 30 майҙа Балаларҙы яҡлау көнө уңайынан Табын, Бурлы, Еҙем-Ҡаран, Баҡраҡ ауылдарында үтте.

Бушлай юридик ярҙам
29 мая 2018 йыл | Хоҡуҡ

13 июндә 11.00-дән 15.00 сәғәткә тиклем Муниципаль район хакимиәте бинаһында (адресы: Красноусол ауылы, Октябрь урамы, 2) бушлай юридик ярҙам күрһәтеү (консультация, дәғүә ғаризалары яҙыу) буйынса граждандарҙы ҡабул итеү була.
Ҡабул итеүҙе дәүләт юридик бюроһы белгесе Оксана Михайловна ГНАТЮК уҙғара.
Бушлай юридик ярҙам алыу өсөн граждан шәхес таныҡлығы, бушлай юридик ярҙамға хоҡуҡлы граждандар категорияһына инеүен раҫлаған документының күсермәһен алып килергә тейеш.

Шартлы рәүештә иркенән мәхрүм ителде
22 мая 2018 йыл | Хоҡуҡ

Былтыр ноябрҙә Ҡауарҙы ауылында йәшәүсе Ф. элекке танышы, ауылдашы булған ҡатынға ағас штакетник менән һуға.
Енәйәт эшен ҡарау барышында шул асыҡланды, ғәйепләнеүсе төндә эскән килеш зыян күреүсенең өйөнә килеп, янъял ҡуптара. Талашҡан ваҡытта 20 йәшлек был әҙәм штакетник алып ҡатындың ҡулына бер нисә тапҡыр һуға. Һөҙөмтәлә, зыян күреүсенең терһәк һөйәге һына.
БР Ғафури район-ара суды сығарған хөкөм ҡарарына ярашлы, гр. Ф. РФ Енәйәт Кодексының 112-се статьяһы 2-се бүлеге "з” пунктында (уҫал ниәт менән һаулыҡҡа уртаса кимәлдә зыян килтереү, РФ ЕК-һының 111-се статьяһында билдәләнгәнсә, кеше ғүмере өсөн хәүеф тыуҙырмаған һәм эҙемтәһе булмаған, әммә ҡорал сифатында файҙаланған әйберҙе ҡулланыуҙан һаулыҡҡа оҙайлы ваҡытҡа килтерелгән зыян) ҡаралғанса, енәйәт ҡылыуҙа ғәйепле тип табылды.
Енәйәт эшен ҡарау барышында енәйәт ҡылыусы үҙ ғәйебен тулыһынса таныны һәм үкенес белдерҙе. Суд уның тикшереү менән хеҙмәттәшлеген һәм зыянды өлөшләтә ҡаплауын иҫәпкә алды. Һөҙөмтәлә, ир кешегә ҡарата 1 йылға һынау ваҡыты менән
1 йылға шартлы рәүештә иркенән мәхрүм итеү язаһы сығарылды.
Судтың мәғлүмәт хеҙмәте.
качественныешаблоны для dle 9.5 бесплатно
1 2 3 4 5 6 7 8 9 10 ... 59