Урманды янғындан һаҡлайыҡ!
10 апреля 2018 йыл | Урындағы үҙидара, Йәмғиәт

Һәр кем ҙур шатлыҡ һәм яңы өмөттәр менән көтөп алған яҙ-йәй осоро етә. Алда торған отпус-кылар, ял көндәрендә тәбиғәткә сығыу, йорт яны баҡсаларында эшләү хаҡындағы уйҙар күңелгә сикһеҙ рәхәтлек бирә.
Ҡыҙғанысҡа ҡаршы, ҡайһы берәүҙәр ҡар иреп, ташҡан һыуҙар ҡайтып бөтөү менән урман янғындары башланыу хәүефе лә артыуын онотоп ебәрә. Ҡоро үләнде, сүп-сарҙы үртәгәндә, усаҡ яҡҡанда ут менән һаҡһыҙ эш итеү, тәмәке төпсөгөн һүндермәй ырғытып китеү ҙур бәлә килтереп сығарырға һәләтле.
Шуға ла һаҡ һәм иғтибарлы булығыҙ, янғын-фәлән күреп ҡалһағыҙ, диспетчер хеҙмәтенә: 8 (34742) 18-14-14 йәки 8 800 100 94 00 телефонына шылтыратығыҙ.
БР "Ғафури урман хужалығы” ДАУ-ы хакимиәте.

Ут та, һыу ҙа хәүефле
10 апреля 2018 йыл | Яңылыҡтар, Йәмғиәт


Яҙғы ташҡын һәм янғын йәһәтенән хәүефле осорға әҙер тороу маҡсатында быйыл 16 апрелдә  республика халҡына үҙәкләштерелгән хәбәр еткереү төбәк системаһын комплекслы тикшереү планлаштырылған.
Тикшереүҙә бөтә булған электр сиреналары ҡабыҙылып, теле һәм радиотапшырыу каналдарына тоташып, "Бөтәгеҙ ҙә тыңлағыҙ!” тигән иҫкәртеү сигналдары ебәреп, теле һәм радиотапшырыу каналдары аша: "Бөтәгеҙ ҙә тыңлағыҙ! Хөрмәтле Башҡортостан Республикаһы халҡы һәм ҡунаҡтары! Хәбәр итеү системаһын техник тикшереү бара! Тәртип һәм тыныслыҡ һаҡлауығыҙҙы һорайбыҙ!” тигән хәбәр тапшырыу ҡаралған.
Хәбәр еткереү системаһын тикшереү беҙҙең хәүефһеҙлек өсөн кәрәк. Шуға ла тикшереүҙе аңлап ҡабул итәйек, паникаға бирелмәйек.


Һаулығыңа битараф булма!
06 апреля 2018 йыл | Һаулыҡ һаҡлау, Йәмғиәт

 7 апрель – Бөтә донъя сәләмәтлек көнө
Бөтә донъя сәләмәтлек көнө 1948 йылдың 7 апреленән - Бөтә донъя һаулыҡ һаҡлау ойошмаһы барлыҡҡа килгән көндән үткәрелә. Ошо тарихи мәлдән алып ойошмаға донъяның 194 дәүләте ағза булып ингән.

Законға үҙгәрештәр индерелде
03 апреля 2018 йыл | Йәмғиәт

Дөйөм (өлөшләтә) милектә булған ауыл хужалығы йүнәлешендәге ерҙәрҙәге участкалар менән идара итеү механизмын оптималләштереүгә йүнәлтелгән "Ауыл хужалығы тәғәйенләнешендәге ерҙәрҙең әйләнеше” Федераль законына үҙгәрештәр индерелде.

Бәләгә тарыусыларға ярҙам итәйек
03 апреля 2018 йыл | Йәмғиәт

Красноусол ауылында йәш ғаилә янғындан һуң бер нимәһеҙ урамда тороп ҡалды.
МЧС-тың БР буйынса мәғлүмәт хеҙмәте хәбәр итеүенсә, 31 мартта 10.55 сәғәттә Красноусолдың Лес-промхоз урамында ағас йорт яныуы хаҡында хәбәр алына. Ваҡиға урынына 2 автомашина һәм 5 янғын һүндереүсе бара. Яҡынса күҙаллау буйынса, мейескә ут яҡҡанда һаҡһыҙлыҡ күрһәтеү ут сығыуға сәбәпсе була.
Ҡыҙғанысҡа ҡаршы, янғында бер кеше һәләк булды. Шаһиттар билдәләүенсә, күрше йортта йәшәгән өләсәй кеше (ата-әсәләре эштә булған) янғынды күреп ҡалып, йоҡлап ятҡан ейәндәрен ҡотҡарырға ашыға. Ул ике ейәнен тәҙрә аша этеп сығарып өлгөрә, ә үҙенең сығырға хәле етмәй, утта һәләк була.
Янғын бар ҡаралтыны, әйберҙәрҙе юҡҡа сығара. 3 һәм 10 йәшлек малайҙарға аяҡ һәм өҫ кейемдәре, мәктәп кәрәк-ярағы талап ителә. Кемдең ярҙам итергә мөмкинлеге бар 8-962-52-48-556 телефонына шылтыратып, йә булмаһа әйберҙәрегеҙҙе БР Көньяҡ-көнбайыш район-ара "Ғаилә” Үҙәгенең Ғафури районы буйынса бүлексәһенә (Калмыков урамы, 16/1) килтереп тапшырырға мөмкин. Үҙәктең телефоны: 2-73-77. Райондаштар, ҡаза күреүселәргә ҡулдан килгәнсә ярҙам итәйек!

качественныешаблоны для dle 9.5 бесплатно
1 2 3 4 5 6 7 8 9 10 ... 296