матбуғат-2015
13 июля 2015 йыл | Матбуғат


Ҡәҙерле гәзит уҡыусылар!
2015 йылдың икенсе ярты йыллығына "Табын” район гәзитенә яҙылыу дауам итә.
 Аҙнаһына ике тапҡыр сыҡҡан гәзиттең хаҡы 6 айға 683 һум 28 тин (индексы – 50675), пенсионерҙар өсөн 632 һум 88 һум (индексы -
06075) тәшкил итә.
Бергә булдыҡ, бергә ҡалайыҡ!

Дәүләт әһәмиәтендәге кампания
08 июня 2015 йыл | Матбуғат

Матбуғат сараларына яҙылыу кампанияһы тамамланыуға һанаулы ғына көндәр ҡалып бара. Әммә һөҙөмтәләр һөйөнөрлөк түгел.
28 майҙа уҙған кәңәшмәлә ошо хаҡта һүҙ барҙы.

Кәңәшмәлә район хакимиәте башлығының социаль мәсьәләләр буйынса урынбаҫары Руслан Салауатов, район Советы секретары Рәйлә Ишмөхәмәтова, Талбазы почтамты начальнигы Гүзәл Тимербулатова, почта бүлексәләре начальниктары, почтальондар, йәмәғәт башланғысында матбуғат таратыу-сылар ҡатнашты.
"Табын”, "Звезда” район
гәзиттәренә яҙылыу барышы хаҡында Ғафури районы буйынса
почта элемтәһе цехы начальнигы Гөлсинә Миндийәрова сығыш яһаны. Район үҙәгендәге ике почта бүлексәһендә, шулай уҡ күп кенә ауылдарҙа матбуғатҡа яҙылыу барышы ҡәнәғәтләнерлек түгел. Шул уҡ ваҡытта Яңғыҙҡайын, Аҡкүл почта бүлексәләренең эше башҡаларға өлгө итеп ҡуйылды. 28 майға ҡарата "Табын” гәзитенә  -1333, "Звезда” гәзитенә 1792 дана яҙҙырылған. Был 2015 йылдың 1 ғинуарға ҡарата 47,5 һәм 45,8 процент тәшкил итә.
Кәңәшмә барышында Руслан Йәғәфәр улы һәм Рәйлә Сәмиғулла ҡыҙы матбуғатҡа яҙылыуҙы әүҙемләш-тереү кәрәклеген билдәләнеләр. Һәйбәт эшләгән һәм,  киреһенсә, артта һөйрәлеүсе почта бүлексәләренең сығыштары тыңланды. Кәңәшмә барышында дәүләт кимәлендәге кампанияны уңышлы атҡарып сығыу зарурлығы билдәләнде. Дөйөм алғанда, кәңәшмә эшлекле шарттарҙа үтте һәм уның һөҙөмтәләре булыр, тип ышанғы килә.

“Табын” таҡмаҡтары
08 июня 2015 йыл | Матбуғат

Бөрөләнде талдарым,
Бөрөләнде талдарым.
Ярты йылға "Табын”ға
Яҙылырмы дуҫтарым.
Их, бөрлөгәндәрен дә
Йыйып ҡына алаһы.
Әллә "Табын”ға яҙылып
Уҡып ҡына бараһы.
Яҙҙары етте инде,
Сыйырсыҡтар ҙа килгән.
Шаршамбы, шәмбе
 көнөндә
Әлдә "Табын”ым килгән.
Хәлиҙә ШӘРИПОВА.
Үзбәк ауылы.

Ун көнлөктә өлгөрөп ҡалығыҙ!
08 мая 2015 йыл | Матбуғат

Ағымдағы йылдың икенсе яртыһына ваҡытлы матбуғатҡа яҙылыуҙы әүҙемләштереү, халыҡҡа гәзит-журналдарға яҙылыу мөмкинлеге биреү маҡсатында 14 майҙан 23 майға тиклем Бөтә Рәсәй буйынса матбуғатҡа яҙылыу ун көнлөгө уҙғарыласаҡ.

Гәзит-журналдарҙы - һәр йортҡа
06 апреля 2015 йыл | Матбуғат

Муниципаль район хакимиәте 2015 йылдың II ярты йыллығына матбуғатҡа яҙылыуҙы ойоштороу тураһында ҡарарға ҡул ҡуйҙы.
Ҡарарҙа ауыл биләмәләре башлыҡтары, дәүләт һәм муниципаль учреждениелар, ойошмалар етәкселәренә 2015 йылдың
II яртыһына подписка кампанияһы барышын контролдә тоторға, ваҡытлы матбуғатты таратыуға һәм уға яҙылыуҙы әүҙемләштереүгә йүнәлтелгән саралар уҙғарыуҙа редакцияларға һәр яҡлап ярҙам итергә, подписка өсөн яуаплы кешеләр тәғәйенләп, уның барышы хаҡында оператив мәғлүмәтте Муниципаль район Советына даими (30 апрелдә, 15, 30 майҙа, 15, 25 июндә) тапшырып торорға тәҡдим ителә.
Районда матбуғатҡа яҙылыуҙы ойоштороуға яуап-лы итеп район Советы секретары Р.С.Ишмөхәмәтова тәғәйенләнә, ҡарарҙың үтәлешен контролдә тотоу район хакимиәтенең эштәргә идара итеүсеһе Ш.Н.Хәбибуллинға  йөкмәтелә.
качественныешаблоны для dle 9.5 бесплатно
1 ... 21 22 23 24 25 26 27 28 29 ... 35