Ғафуриҙа “Башҡортостандың яратҡан рәссамдары”
03 апреля 2018 йыл | Яңылыҡтар, Мәҙәниәт һәм әҙәбиәт

 Ғафуриҙа “Башҡортостандың яратҡан рәссамдары”
4 апрелдә 11.00 сәғәттә район мәҙәниәт һарайында "Башҡортостандың яратҡан рәссамдары” республика акцияһы үтә.
Ошо акция сиктәрендә Ғафури районынан сыҡҡан рәссамдар – Рәшит Зәйнетдинов, Рафаэль Ҡадиров, Рәйес Хөснөтдинов, Александр Шикановтың эштәре күрһәтеләсәк.
Программала рәссамдар менән осрашыу, Башҡортостан Республикаһы артистарының сығышы, һынлы сәнғәт түңәрәгендә шөғөлләнеүсе балаларҙың ҡул эштәре күргәҙмәһе буласаҡ. Инеү – ирекле (6+).
Ойоштороу комитеты.

Табындар хаҡында китап
03 апреля 2018 йыл | Мәҙәниәт һәм әҙәбиәт

Табындар хаҡында  китап
Зәйнәп Биишева исемендәге "Китап” нәшриәтендә Табын ырыуы хаҡында тарихи мәғлүмәттәр тупланған китап донъя күрҙе.
Республикаға киң билдәле шәхес, тарихсы, Салауат Юлаев дәүләт премияһы лауреа-ты Салауат Хәмиҙуллин бына нисәмә йыл инде БСТ каналы аша башҡорт ырыуҙары хаҡында, уларҙың килеп сығышын дәлилләп тапшырыуҙар алып бара. Ошо тарихи мәғлүмәттәрен ул китап итеп туплаған да инде. Әле 28 том китап донъя күргән. Табындар хаҡындағы мәғлүмәт кенә өс китаптан тора. Көнсығыш табындар (Ҡурған, Силәбе, Свердловск өлкәләре, Учалы районы) бер томға, үҙәк өлөштә (Архангел, Ҡырмыҫҡалы, Ғафури, Дәүләкән, Ауырғазы райондары) йәшәүселәр
айырым һәм көнбайыш табындар (Тәтешле һәм башҡа райондар, Татарстан Республикаһы, Ырымбур, Һарытау, Һамар өлкәләре) айырым бер томға тупланған. Беҙҙең районда йәшәүсе табындарға ҡағылышлы том 2 мең данала баҫылып сыҡҡан һәм ул 830 биттән тора. Тарих менән ҡыҙыҡһыныусылар, үҙҙәренең шәжәрәһен өйрәнергә теләүселәр был әсбаптан бик күп мәғлүмәттәр таба ала.
С.ТИМЕРОВ.

Халыҡ йырҙарын халыҡ күңеленә
03 апреля 2018 йыл | Мәҙәниәт һәм әҙәбиәт

6 апрелдә 19.00 сәғәттә Сәйетбаба ауыл мәҙәниәт йортонда "Быуындарҙан-быуындарға күсә килә халыҡ йыры” оҙон көй башҡарыусылар һәм яратыусылар фестивале уҙғарыла.
Сәйетбаба төбәгендә элек-электән башҡорт халыҡ йырҙарын оҫта башҡарыусылар күп булды. Мин беләрҙән генә Фәхретдин Фәйзуллин, Ғилман Сәйфуллин, Тәҡиулла Вәлиев, Фәйзулла Фәйзуллин кеүек ауылдаштарыбыҙ бик ҙур оҫталыҡ менән халыҡ йырын башҡарырҙар ине. Халҡыбыҙҙың йыр-моңон киләсәк быуындарға түкмәй-сәсмәй еткереү маҡсатында ошондай фестиваль уҙғарырға булдыҡ. Ҡатнашыусылар өсөн йәш сикләүе юҡ. Мәҙхиә әйтеүселәр ҙә хуплана. Был фестивалдә ҡунаҡ сифатында районға киң билдәле булған Булат Йосопов, Рәмил Ҡотдосов, Рәмил Сәйфуллин кеүек йырсыларҙың ҡатнашыуы көтөлә. Йыр-моң һөйөүселәр, фестивалгә рәхим итегеҙ.
Закир ИШМЫРҘИН,
район башҡорттары ҡоролтайы
башҡарма комитеты ағзаһы.

1 апрель - Көлкө көнө
30 марта 2018 йыл | Мәҙәниәт һәм әҙәбиәт, Хаттар

 1 апрель - Көлкө көнө
Сәй сервизы (Юмореска)
Венер ИСХАҠОВ
Бүләккә нимә алып барырға икән?
Мәймүнәне Гөлзифа әхирәте өй туйына саҡырғас, мейеһен ярып килеп ингән тәүге һорау шул булды. Саҡырҙы тигәс тә, үҙен генә түгел инде, ире менән бергә. "Туҡта, туҡта! Ҡумтаһынан да сығармаған өр-яңы сәй сервиздары ята түгелме ни?!”. Ул һөйләнә-һөйләнә балконға сыҡты һәм шкафҡа теҙеп ҡуйған ҡумталарҙы ҡарай башланы. "Шулай шул! Берәү генә түгел, хатта бишәү икән. Былар нимәгә хәжәт, яталар шунда урын алып, саң йыйып, былай ҙа урын юҡ”.
Мәймүнә берәүһен соҡоп сығарҙы, икенсеһен, өсөнсөһөн ҡутарып ҡараны, әммә бигерәк затлы күренгәс, уларын тота килеп икенсе берәүгә бүләк итергә йәлләне. "Ярай, ошоноһон алып барам да ҡуям” тип ул бишенсеһен, биҙәктәре әллә ни балҡып тормағанын, һайланы. Уныһын былтыр тыуған көнөнә Кәримә әхирәте алып килгәйне. Ҡунаҡтар алдында ул әҙәп өсөн: "Бигерәк матур бит әле, ошондай ғына сервиз алырға йөрөй инем, әллә минең ни уйлағанымды ишетеп торғанһың инде, әхирәткәйем”, – тип уны суп иттереп үбеп, ҡат-ҡат рәхмәт әйтеп алһа ла, оҡшатманы. Аҙаҡ барыһы таралышып, иғтибар менән ҡарағас, бер сынаяҡтағы сәскәнең тажы бөтөнләй булмауын күрҙе. "Кит, мыҫҡыл итеп ошо нәмәне тотоп килмәһә инде, һаран, моғайын, иң осһоҙон эҙләп алғандыр әле”, – тип уйлағайны эстән генә Мәймүнә.
…Мәжлес күңелле барҙы. Матур теләктәр ямғыр булып ҡойолдо, бүләктәр төштө, күңелдәре булғанса йырланылар, бейенеләр. Бына ҡунаҡтар ҡайтып китте. Бүләктәрен барлай башлаған хужабикә Мәймүнә әхирәте биргән сервизды ҡумтаһынан сығарып ҡарағас, таныш сынаяҡтарҙы күреп, "аһ” итте. Бәй, шул түгелме ни! Унан ҡабаланып һәр береһен ентекләп ҡарай башланы һәм сәскәһенең бер тажы төшөрөлмәгән сынаяҡты күрҙе. Былтыр уны бергә эшләгән хеҙмәттәше Кәримәгә үҙе бүләк иткәйне.

Сәхнәлә - Үзбәк һәүәҫкәрҙәре
30 марта 2018 йыл | Мәҙәниәт һәм әҙәбиәт

Ошо көндәрҙә смотрға әҙерләнгән спектаклдәрен ҡарарға Үзбәк мәҙәниәт йортона барҙыҡ.

качественныешаблоны для dle 9.5 бесплатно
1 2 3 4 5 6 7 8 9 10 ... 92