Ғафуриҙа “Башҡортостандың яратҡан рәссамдары”
03 апреля 2018 йыл | Яңылыҡтар, Мәҙәниәт һәм әҙәбиәт

 Ғафуриҙа “Башҡортостандың яратҡан рәссамдары”
4 апрелдә 11.00 сәғәттә район мәҙәниәт һарайында "Башҡортостандың яратҡан рәссамдары” республика акцияһы үтә.
Ошо акция сиктәрендә Ғафури районынан сыҡҡан рәссамдар – Рәшит Зәйнетдинов, Рафаэль Ҡадиров, Рәйес Хөснөтдинов, Александр Шикановтың эштәре күрһәтеләсәк.
Программала рәссамдар менән осрашыу, Башҡортостан Республикаһы артистарының сығышы, һынлы сәнғәт түңәрәгендә шөғөлләнеүсе балаларҙың ҡул эштәре күргәҙмәһе буласаҡ. Инеү – ирекле (6+).
Ойоштороу комитеты.

1 апрелдән пенсия артты
03 апреля 2018 йыл | Яңылыҡтар

2018 йылдың 1 апреленән дәүләт пенсия тәьминәте буйынса, шул иҫәптән социаль пенсиялар 2,9 процентҡа арттырыла.
Социаль пенсияны индексациялау менән бер үк ваҡытта саҡырыу буйынса хәрби хеҙмәт үткән хәрбиҙәрҙең һәм уларҙың ғаилә ағзаларының, Бөйөк Ватан һуғышында ҡатнашыусыларҙың, радиация һәм техноген һәләкәттәрҙә зыян күргән кешеләрҙең һәм уларҙың ғаилә ағзаларының, осоу-һынау составы хеҙмәткәрҙәренең дәүләт пенсияһы, шулай уҡ күләме социаль пенсияларҙың артыуына бәйле булған башҡа түләүҙәр арта.
Республикала социаль пенсияның уртаса күләме арттырылғандан һуң – 9127 һум, инвалид балаларға һәм бала саҡтан I төркөм инвалидтарына 14297,31 һум тәшкил итә.

Районда, Башҡортостанда, Рәсәйҙә, Донъяла
30 марта 2018 йыл | Яңылыҡтар

Районда
* 7 апрелдә Яугилде
ауылында Ғаилә йылына арнап традицияға әүерелгән "Яугилде кубогы”на волейбол ярышы үтә. Унда бер нисә ғаилә командаһының ҡатнашыуы көтөлә.
Башҡортостанда
* Баҡалы районында магазиндары булмаған 13 ауылда сауҙа хеҙмәтләндереүе ойошторолдо. Автокибет был ауылдарға ҡышҡыһын аҙнаһына бер тапҡыр килә, йәй көнө — йышыраҡ.
* 30 мартта Яңауыл районының Киҫәк-ҡайын ауылында «Урал батыр байрамы» үтәсәк.
* Алдағы ял көндәренә күҙалланған «Ғаилә ялы» тип исемләнгән социаль акция Кемероволағы фажиғәгә бәйле күсерелә. Алдан 31 мартҡа күҙалланған сара 7 апрелдә була.
Рәсәйҙә
* Рәсәйҙә инфляция йәй урталарына күҙгә күренеп йыллыҡ аңлатмала 1,1 процентҡа тиклем аҡрынаясаҡ, әммә августа 1,2 процентҡаса көсәйәсәк, ти аналитиктар.
* РФ Дәүләт Думаһы комитеты Рәсәй көнө байрамын 12 июндән 21 сентябргә күсерергә тәҡдим иткән закон проектын кире ҡаҡҡан.
* РФ Дәүләт Думаһы капиталь ремонт өсөн компенсацияға хоҡуҡлы льготалылар исемлеген киңәйтеүҙе тәҡдим иткән закон проектын тәүге уҡыуҙа ҡабул иткән.
Донъяла
* 27 апрелдә КХДР һәм Көньяҡ Кореяның саммиты үтәсәк.
* Рәсми Лондондың һорауы буйынса 27 ил Рәсәй илселегенән баш тартып, илселәрҙе ҡайтарҙы. Был ағыуланып үлтерелгән элекке разведчик, һатлыҡ йән Скрипаль эше менән бәйле.

Мәктәптә йәрминкә үтте
18 марта 2018 йыл | Яңылыҡтар

18 мартта Сәйетбаба урта мәктәбендә уҡыусылар йәрмикәһе үтте. Һайлауға килеүселәргә үҙҙәренә кәрәкле әйбер һатып алырға мөмкинлек бар ине. 

Тауыш та бирҙеләр, концер та ҡаранылар
18 марта 2018 йыл | Яңылыҡтар

Сәйетбаба ауыл мәҙәниәт йортонда ауыл һәүәҫкәрҙәре һайлауға килеүселәр өсөн бай йөкмәткеле концерт күрһәтте. "Асанай" халыҡ фольклор ансамбле, Гәүһәр Байбулдина етәкселегендә балалар бейеү ансамбле, гармунсылар ансамбле һайлауға килеүселәргә дәрт һәм илһам өҫтәне. Уҫман ауылынан килгән Илфат Мөхәмәтҡоловтың йыры ла тамашасыларҙы битараф ҡалдырманы. Гармунсыларҙың үҙҙәре йырлап, үҙҙәре бейеп, һайлауға килеүселәрҙе лә бейетеүҙәре үҙе бер тамаша ине. Ғөмүмән, Сәйетбабала һайлау оло бер байрам төҫө алды.
качественныешаблоны для dle 9.5 бесплатно
1 ... 3 4 5 6 7 8 9 10 11 ... 76