Ауылым тип янып йәшәйҙәр
12 февраля 2019 йыл | Уңғандарыбыҙ

Ауылым тип янып йәшәйҙәр"Рәхәт булһа ла торған ер, һағындыра тыуған ил”, - тигән бик матур әйтем бар халыҡта. Был һүҙҙәрҙә, ысынлап та, хаҡлыҡ бар. Олоғайған һайын кешелә тыуған яҡҡа тартыу, ерһеү хисе көсәйә. Күптәр үҙҙәре ҡорған донъяларын, күнегелгән мөхитен, йәшәгән урынын ҡалдырып, тыуған яҡтарына ҡайтып, матур итеп туғандары, ауылдаштары менән аралашып йәшәй башлай. Тыуған ер, ауыл хәстәре менән янып, уның киләсәге өсөн борсолоп, башҡаларҙы ла үҙе артынан эйәртеп әүҙем эшкә тотоноусылар ҙа бар, хатта.

Уңышлы эшләүсе фермер
18 декабря 2018 йыл | Уңғандарыбыҙ

Уңышлы эшләүсе фермерЕҙем-Ҡаран ауылындағы "ШЭ Р.Р.Йомағолов” крәҫтиән-фермер хужалығы районда уңышлы эшләп килгән фермер хужалыҡтарының береһе. Уның етәксеһе Рөстәм Раил улы Йомағолов малсылыҡ тармағын үҫтереү уйы менән элекке М.Ғафури исемендәге колхоздың гараж бинаһын ремонтлап алып, бынан өс йыл элек КФХ төҙөп эш башлағайны. Үҙ эшен асырға йөрьәт итеүселәргә хөкүмәт тә ярҙам ҡулы һуҙырға әҙер тора. 2015 йылда "2013-2015 йылдарҙа БР-ҙа яңы эш башлаған фермерҙарға дәүләт ярҙамы маҡсатлы программаһы”нда ҡатнашҡан йәш фермер 1 миллиондан ашыу һум дәүләт ярҙамы (грант) алып, малсылыҡты үҫтереү йүнәлешендә дәртләнеп эшкә тотона.

Яҡшы хеҙмәт итеп ҡайтҡан һалдат
23 ноября 2018 йыл | Уңғандарыбыҙ

 Яҡшы хеҙмәт итеп ҡайтҡан һалдат
Ошо көндәрҙә Красноусолда йәшәүсе Әбделмәновтар ғаиләһе ҙур ҡыуаныс кисерә – улдары Эдуард Рәсәй хәрби көстәрендә хеҙмәтен тултырып ҡайтып төшә.
Армия сафына ул Красноусол башҡорт гимназия-интернатын тамамлап, Ауырғазы күп профилле колледжында тракторсы һөнәрен алғас, Өфө авиация техникумында уҡып йөрөгәндә саҡырыла. Ырымбур өлкәһенең Ясный ҡалаһында стратегик тәғәйенләнештәге ракета ғәскәрҙәрендә хеҙмәт итә Эдуард. Бала саҡтан спортты, бигерәк тә футбол уйнарға яратҡан егеттең ойоштороу һәләте лә көслө була.
Хәрби бурысын намыҫ менән үтәгән, үҙен тик ыңғай яҡтан ғына күрһәткән пулеметсы ефрейтор Эдуард Яҡупов өлгөлө хеҙмәте өсөн стратегик тәғәйенләнештәге ракета ғәскәрҙәре командующийы генерал-полковник С.Каракаевтың Рәхмәт хатын алып ҡайтҡан. Унда хәрби хеҙмәтен үткәндә тырыш, яуаплы, ғәҙел һәм тәртипле, инициативалы булған егеттең иптәштәренең дә, командирҙарының ихтирамын яулауы тураһында яҙылған. Аҫыл егетте үҫтергән ата-әсәһенә, үҙенә һәм туғандарына ныҡлы һаулыҡ, бәхет, уңыштар теләгән һүҙҙәр ҙә бар был хатта.
Ил алдында бурысын үтәп, ир ҡорона инеп ҡайтҡан егет Авиация техникумында уҡыуын дауам итергә уйлай. Эдуардҡа киләсәктә лә шулай ата-әсәһен, яҡындарын һөйөндөрөп тороуын, бар хыялдарының тормошҡа ашыуын теләйбеҙ.
Г.СИРАЕВА.

Ғүмер көҙҙәренә кергәндә...
28 сентября 2018 йыл | Уңғандарыбыҙ, Йәмғиәт

Ғүмер көҙҙәренә кергәндә...Һәр ерҙә өлкәндәрҙе ҙурлау матур йолаға әйләнде. Хәйер, бөгөнгө көн өлкән быуын вәкилдәре үҙҙәре лә бик әүҙемдәр, ҡартлыҡҡа бирешмәйсә, матур итеп донъя көтәләр: баҡса үҫтерәләр, ҡышҡылыҡҡа йәшелсә-емеш әҙерләйҙәр.
Игенйылға ауылында ла ундай өлкәндәр байтаҡ. Күптәренең баҡсалары гөлбаҡсаға әүерелгән, иртә яҙҙан көҙгә саҡлы сәскәләргә күмелә.

Тырышлыҡтан тыуған матурлыҡ
25 сентября 2018 йыл | Уңғандарыбыҙ

Тормошта матурлыҡ һәр саҡ күҙгә ташланыр, күңелгә яҡын нәмә. Ә инде бар яҡтан да килгән, тәбиғи сифаттар ғына үҙендә булған кешегә нисек һоҡланмайһың? Красноусол ауылында йәшәүсе
Анжела Фаат ҡыҙы Рәхмәтуллина үҙенең сибәрлеге, матур тауышлы,  алтын ҡуллы булыуы менән бер рәттән эргә-тирәләге кешеләргә  иғтибарлы, һәйбәт мөнәсәбәтле, һәр саҡ ҡояштай балҡып тороуы менән дә күңелде арбай.

качественныешаблоны для dle 9.5 бесплатно
1 2 3 4 5 6 7 8 9 10 ... 37