Семинарға саҡырабыҙ
25 мая 2018 йыл | Яңылыҡтар, Урындағы үҙидара

Эшҡыуарҙар иғтибарына!
30 майҙа 11.00 сәғәттә район мәҙәниәт һарайында Рәсәй эшҡыуарлығы көнө айҡанлы район эшҡыуарҙары семинары була.
Конференцияға БР Эшҡыуарлыҡ һәм туризм буйынса дәүләт комитеты, БР Ауыл хужалығы министрлығы, 3-сө район-ара һалым инспекцияһы вәкилдәре ҡунаҡ итеп саҡырылған, уларға ҡыҙыҡһындырған һорауҙарҙы бирергә була. Конференцияның көн тәртибендә – бизнес субъекттарына финанс ярҙамы, һалым льготалары һәм һалым ҡануниәтендәге һуңғы яңылыҡтар, Эшҡыуарҙар берлеге рәйесе А.Фәхретдинов һәм БР эшҡыуарҙарҙың хоҡуғын яҡлау буйынса вәкилдең йәмәғәт ярҙамсыһы Х.В.Ишмырҙиндың отчеты. Сарала балалар араһында һүрәттәр конкурсына йомғаҡ яһаласаҡ, күргәҙмә ойошторола, байрам концерты, бүләкләүҙәр була.
Райондың барлыҡ эшҡыуарҙары саҡырыла.

Һабантуйға әҙерлек
25 мая 2018 йыл | Урындағы үҙидара, Йәмғиәт

=Район хакимиәтендә
Район хакимиәте яҙғы баҫыу эштәре тамамланыу уңайынан 2018 йылдың 10 июнендә халыҡ байрамы – һабантуй уҙғарыу хаҡында ҡарар ҡабул итте.
Байрамды уҙғарыу буйынса саралар планы раҫланған, ойоштороу комитеты, эшсе комиссия төҙөлгән.
Ауыл хужалығы бүлегенә, агросәнәғәт комплексы предприятиелары етәкселәренә хужалыҡтарҙың ҡышҡы һәм яҙғы баҫыу эштәре осорондағы эшмәкәрлегенә йомғаҡ яһау, юғары һөҙөмтәләргә өлгәшкән хеҙмәт алдынғыларын бүләкләү буйынса тәҡдимдәр әҙерләү йөкмәтелә.
Ҡарарҙа яуаплы кешеләргә һәүәҫкәр һәм профессио-наль артистарҙың сығыштарын, спорт ярыштары, халыҡ
уйындары, төрлө конкурстар, сауҙа ойошторорға, байрамды матур уҙғарыу өсөн тәртип булдырырға ҡушыла.

Балаларҙың йәйге ялы
22 мая 2018 йыл | Урындағы үҙидара

Район хакимиәтендә
2018 йылдың йәйендә балалар, үҫмерҙәр һәм йәштәрҙең ялын, мәшғүллеген тәьмин итеү маҡсатында Муниципаль район хакимиәте ҡарар ҡабул итте.
Ҡарарға ярашлы, балалар һәм үҫмерҙәрҙең ялын, мәшғүллеген, сәләмәтләндереүҙе тәьмин итеү буйынса вәкәләтле орган тип район хакимиәтенең "Мәғариф бүлеге” МҠУ-һы (етәксеһе – З.Р.Әхтәмова) билдәләнде.   Махсус положение һәм район-ара комиссия составы раҫланды.
 Ҡарарҙа мәғариф бүлегенә (З.Р.Әхтәмова) район биләмәһендә урынлашҡан ойошмалар, учреждение, предприятиелар менән лагерҙарға, балалар шифаханаларына путевкалар алыу мәсьәләһе буйынса мәғлүмәт эше ойошторорға; "Красноусол” ял лагеры (И.А.Пестрякова) хакимиәте менән берлектә лагерҙы, дезактивация һәм дератизация саралары тамамланыуын иҫәпкә алып, ваҡытында әҙерләп, комиссия тикшереүенә ҡуйырға; белем биреү учреждениелары ҡарамағында көндөҙгө лагерҙар, хеҙмәт һәм ял лагерҙары ойошторорға; Мәҙәниәт бүлеге (Е.В.Соколова) менән берлектә йәйге каникул осоронда балаларҙың буш ваҡытын ойоштороу буйынса саралар планы төҙөп раҫларға; социаль һәм йәштәр сәйәсәте, физик культура һәм спорт бүлегенең йәштәр сәйәсәте секторы (А.М.Ғәзизова), бәлиғ булмағандар эше һәм уларҙың хоҡуғын яҡлау комиссияһы (А.Р.Уренева) менән берлектә профилле лагерҙар, тәрбиәгә ауыр бирелеүсе үҫмерҙәрҙең ялын  ойоштороуҙы планлаштырырға; ра-йон-ара мәшғүллек үҙәгенә (М.Х.Сабитов) үҫмерҙәр һәм йәштәр өсөн ваҡытлыса эш урындары булдырып, эшкә урынлаштырырға ҡушыла. Шулай уҡ йәйге осорҙа балаларҙың ғүмер хәүефһеҙлеген, именлеген тәьмин итеү буйынса тейешле ведомстволарға тәҡдимдәр индерелә.

Асыҡ тыңлау була
22 мая 2018 йыл | Урындағы үҙидара

2018 йылдың 29 майында 11.00 сәғәттә район хакимиәтенең ултырыштар залында Башҡортостан Республикаһы Ғафури районы муниципаль район Советының:
Башҡортостан Республикаһы Ғафури районы муниципаль районы Мораҡ ауыл советы ауыл биләмәһенең Генераль планына үҙгәрештәр индереү тураһында;
Башҡортостан Республикаһы Ғафури районы муниципаль районы Красноусол ауылының "Көньяҡ-көнбайыш” биҫтәһе территорияһын планлаштырыу һәм межалау проектын раҫлау тураһында  ҡарар проекттары буйынса асыҡ тыңлау була.
Асыҡ тыңлауға сығарылған мәсьәләләр буйынса иҫкәрмәләр һәм тәҡдимдәр (яҙма рәүештә) ҡарар проект-тарын әҙерләү комиссияһы тарафынан түбәндәге адрес-та ҡабул ителә: Ғафури районы, Красноусол ауылы, Октябрь урамы, 2 (204-се бүлмә). Совет ҡарарҙары проекты райондың рәсми сайтында урынлаштырылған: http://www.gafury.bashkortostan.ru/.

Дәүләт ярҙамы кәрәкме?
22 мая 2018 йыл | Урындағы үҙидара, Йәмғиәт

БР Ауыл хужалығы министрлығы агросәнәғәт ойошмаларынан Башҡортостан Республикаһы агросәнәғәт комплексының кадрҙар потенциалына дәүләт ярҙамы алыуға конкурста ҡатнашыу өсөн документтар ҡабул итә башлауы хаҡында иғлан итте.
Ғаризалар менән тейешле бөтә документтар 2018 йылдың 17 майынан 1 июненә тиклем министрлыҡтың хоҡуҡи тәьминәт, дәүләт хеҙмәте һәм кадрҙар сәйәсәте бүлегендә ҡабул ителә. Документтар белем биреү учреждениеларын 2013 йылдан һуң тамамлаған, шулай уҡ һайлап алыу талаптарына яуап биргән йәш белгестәрҙән ҡабул ителә.
Конкурста ҡатнашырға теләүселәргә Ғафури районы хакимиәтенә (адресы: Красноусол ауылы, Октябрь урамы, 2, 113-сө бүлмә) мөрәжәғәт итергә.
Белешмәләр өсөн телефондар: 8(34740)2-21-90, 2-13-47.

качественныешаблоны для dle 9.5 бесплатно
1 2 3 4 5 6 7 8 9 10 ... 104