Трактор һатып алыу хупланды
11 декабря 2018 йыл | Урындағы үҙидара

Трактор һатып алыу хупландыРеспубликабыҙҙа дүртенсе йыл инде "Урындағы башланғыстарҙы яҡлау программаһы” уңышлы хәл ителеп һәм ғәмәлгә ашырылып килә. Районыбыҙ биләмәләре был проектта әүҙем ҡатнашып үҙ биләмәләре өсөн байтаҡ ҡына  файҙалы эш башҡарҙылар, техникалар һатып алдылар.

Район хакимиәте башлығы тәғәйенләнде
11 декабря 2018 йыл | Урындағы үҙидара

Район хакимиәте башлығы тәғәйенләнде7 декабрҙә муниципаль район Советының 37-се ултырышы булып үтте. Уның эшендә Башҡортостан Республикаһы Башлығы Хакимиәтенең муниципаль берәмектәр менән эшләү идаралығы начальнигы Г.Я.Букреев, Ер һәм мөлкәт мөнәсәбәттәре министры вазифаһын башҡарыусы О.В.Полстовалов, Башҡортостан Башлығы Идаралығы начальнигының дәүләт хеҙмәте һәм кадрҙар сәйәсәте буйынса урынбаҫары, кадрҙар һайлап алыу бүлеге начальнигы И.В.Дудоров, БР Дәүләт Йыйылышы – Ҡоролтай депутаты Ә.М.Ишемғолов, район хакимиәте башлығы урынбаҫарҙары, бүлек мөдирҙәре, ауыл биләмәләре хакимиәттәре башлыҡтары, предприятиелар, ойошмалар, хужалыҡтар етәкселәре ҡатнашты.

Янғын һүндереү машинаһы алынасаҡ
28 ноября 2018 йыл | Урындағы үҙидара

Янғын һүндереү машинаһы алынасаҡИмәндәш ауыл биләмәһе "Урындағы башланғыстарҙы яҡлау программаһы”нда әүҙем ҡатнашыусыларҙың береһе булып тора. Уңайлы мөмкинлекте ҡулдан ысҡындырмаҫҡа тырышып, ике йыл рәттән был программала ҡатнашып,  былтыр 1 миллион 500 мең һумға "МТЗ-82” тракторы, быйыл иһә ротор - ҡар көрәгес-өрҙөргөс (560 мең һумлыҡ) һатып алыуға өлгәшкәндәр. Йәнә ауыл биләмәләренә йыл да республика ҡаҙнаһынан бүленгән, йәғни "Президент” аҡсаһына тракторҙы көрәк (140 мең һум) менән дә йыһазландырғандар. Был трактор һәм ротор менән ҡыш көндәрендә ауыл урамдары ҡарҙан таҙартылһа, йәйгеһен иһә сүп-сар йыйыу һәм башҡа эштәр ойошторола.

Байрамығыҙ менән!
23 ноября 2018 йыл | Урындағы үҙидара

Гүзәлдәрҙән-гүзәл, ғәзиздәрҙән-ғәзиз әсәйҙәр!
Йылдың-йылы көҙҙөң һуңғы аҙнаһында Әсә көнө билдәләнә.  Әсә - беҙҙең һәр ҡайһыбыҙ өсөн ғәзиз һәм ҡәҙерле. Беҙгә ғүмер бүләк иткән, бишек йырҙары йырлап бәүелткән, изгелек нурҙары һипкән, үҙендә сикһеҙ һөйөү, рәхимлек, түҙемлелек сифаттарын туплаған әсә - тормош тотҡаһы, ғаилә таянысы.
Һуңғы йылдарҙа дәүләт сәйәсәте лә әсәләрҙең, балаларҙың йәшәйешен яҡшыртыуға йүнәлтелгән. Бик күп закондар, маҡсатлы программалар, демографик хәлде яҡшыртыу маҡсатынан, йәш һәм күп балалы ғаиләләргә йүнәлтелә. Бөтә балалар ҙа әсә ҡулдарының йомшаҡлығын тойоп, унан йәшәүгә көс, дәрт, рух ныҡлығы алып үҫһен. Бар әсәйҙәрҙең дә балалары өсөн күңеле тыныс булһын.
Ҡәҙерле әсәйҙәр! Барығыҙҙы ла ошо матур байрам уңайынан ҡотлайым. Ғаилә бәхете, ныҡлы сәләмәтлек, хеҙмәт уңыштары, балаларығыҙҙың, яҡындарығыҙҙың һөйөү-ихтирамына төрөнөп йәшәүегеҙҙе теләйем!
Фәнзил СЫҢҒЫҘОВ,
Ғафури район хакимиәте башлығы вазифаһын башҡарыусы.

Яңы йылды байрам итеү тураһында
23 ноября 2018 йыл | Урындағы үҙидара, Йәмғиәт

=Район хакимиәтендә
2019 йылды ҡаршылағанда Яңы йыл байрамдарын ойошҡан рәүештә уҙғарыу өсөн муниципаль район хакимиәте ҡарар ҡабул иттте.
Ҡарарға ярашлы, байрам саралары планы һәм ойоштороу комитеты составы раҫланды. Төрлө ойошма, учреждениеларға аныҡ бурыстар йөкмәтелә. Атап әйткәндә, йәштәр сәйәсәте, физик культура һәм спорт бүлегенең йәштәр сәйәсәте секторына (Г.Ғ.Мирхәйҙәрова), мәҙәниәт бүлегенә (Е.В.Соколова), мәғариф бүлегенә (З.Р.Әхтәмова), Балалар ижады үҙәге (И.А.Васильева) менән берлектә: уҡыусы балаларҙы 21 декабрҙә Өфөгә Башҡортостан Республикаһы Башлығы шыршыһына алып барыу; 10 декабрҙә Красноусолда М.Ғафури майҙанында Яңы йыл шыршыһын асыу; 27 декабрҙә сәләмәтлек мөмкинлектәре сикле һәм инвалид балаларға, ә 28 декабрҙә етем һәм аҙ тәьмин ителгән ғаиләләрҙәге балалар, уҡыу алдынғылары, фән олимпиадалары һәм спорт ярыштары еңеүселәре өсөн Яңы йыл байрамын ойоштороу, 30 декабрҙә  бал-маскарад, 2019 йылдың 7 ғинуарында М.Ғафури майҙанында Раштыуа байрамы айҡанлы балалар өсөн саралар ойоштороу йөкмәтелә.
Ауыл биләмәләре башлыҡтарына хужалыҡтар етәкселәре һәм профсоюз ойошмалары менән берлектә 10 декабргә тиклем эре тораҡ пункттарҙа Яңы йыл ҡаласыҡтары ойошторорға, мәғариф, мәҙәниәт учреждениелары менән берлектә Яңы йыл байрамдары үткәрергә тәҡдим ителә.
74-се янғын часына (В.В.Отмахов), эске эштәр бүлегенә (И.А.Рәхмәтуллин) Яңы йыл байрамы саралары уҙғарылғанда янғын хәүефһеҙлеген, йәмәғәт тәртибен булдырырға, шулай уҡ байрамға барыусы балаларҙың хәүефһеҙ сәфәрен тәьмин итергә; Үҙәк ра-йон дауаханаһына (А.Р.Йәнешев) район ауылдарында медицина персоналының дежур итеүен ойошторорға, эске эштәр бүлегенә 2018 йылдың 10 декабренән 2019 йылдың 14 ғинуарына тиклем Яңы йыл ҡаласығында тәүлек әйләнәһенә дежур итеүҙе ойошторорға, район хакимиәтенең финанс бүлегенә (С.Р.Ғөбәйҙуллина) финанс бүлеүҙе тәьмин итергә.
Ҡарарҙың үтәлешен контролдә тотоу район хакимиәте башлығының социаль мәсьәләләр буйынса урынбаҫары Р.Й.Салауатовҡа йөкмәтелә.
качественныешаблоны для dle 9.5 бесплатно
1 2 3 4 5 6 7 8 9 10 ... 108